鼻塞

全家鼻塞!

小悅的睡眠

這個月媽媽都甚少出街, 皆因媽媽想幫小悅建立好有規律的作息時間. 謝謝天父, 現時的進度都算不錯, 小悅每晚天概7點左右便沖涼和吃奶, 7:30-8:00pm左右便睡覺, 大約12:00至1:00就會醒要吃奶, 吃完又瞓番; 到大約4-5am又要吃, 吃完就算是醒了, 她自己都會慢慢瞓番, 唔駛媽媽點理她. 大概8:00左右, 小悅便會起身. 玩1.5至2個鐘, 之後就會nap. 小悅常常nap半個鐘就會喊醒, 但近來好轉的是她醒後喊一陣就會自己瞓番. 最理想是nap兩小時, 玩兩小時, 再nap兩小時, 到下午5點幾, 小悅就隨意地小睡半個鐘左右, 然後到7點鬆D就沖涼吃奶...如是這咁就一DAY喇! 做BB真係嘆!

其實媽媽真的很appreciate小悅咁早就瞓. 因為除了可以在8點過後就全然spend time with 小呈之外, 媽媽更可以去祈禱會, 亦可以番worship team 練歌! 所以求天父讓小悅可以穩定地早睡, 叫媽媽可以"出山"返回事奉崗位; 早上亦可以穩定地nap, 叫媽媽可以有安靜靈修的時間. 咁就真係VERY GOOD 喇!

又生病了...

媽媽有差不多一個月沒有在部落裡寫小呈和小悅的生活日誌了... 全因為在這個月裡, 不是小呈病, 就是小悅病, 爹爹又病, 連媽媽都病. 再加上春天來了, 花開之餘, 小呈和爹爹, 還有媽媽, 大家都鼻敏感, 唔係流鼻涕就係鼻塞, 唔係鼻塞就係咳, 唔係咳就係眼痕... 總之就係一頭煙! 小呈上兩個星期都一直病, 一時又耳仔痛,一時又肚痛; 小悅就常常鼻塞, 媽媽要時時幫她滴鼻鼻和吸鼻涕, 每次都狂喊和尖叫... 媽媽真的真的很累... 所以現在輪到媽媽病了... 天父呀, 救命呀...

Sleep training...

最近在sleep train小悅, 仍在試驗當中. 在過去的週末, 可能是去街的關係, 小悅晚上累到一覺瞓天光! 不過, 昨晚又回復4個鐘一次要起身吃奶. 雖然如此, 媽媽卻沒有意思要去多些街, 因為太勞累小悅的話並不是一件好事, 若能有規律地建立穩定的作息時間, 那才是對小悅最好, 因為well-rested的bb才會是開心bb. 其實這幾天媽媽已逐漸摸到小悅的作息時間, 就是晚上大概8點半左右, 小悅一定開始很cranky, 後來經幾天的觀察, 發現小悅應該係扭要沖涼吃奶瞓覺! 所以這幾晚小悅的pattern都是around8:30pm左右便沖涼吃奶, 然後乖乖倒頭便睡! 就好似過去的星期六, 因媽媽爹爹於小組後還和小呈小悅出了街吃飯, 弄到差不多8:30pm才開始由54街返落Richmond, 小悅就由一上車便喊到落車, 足足30分鐘! 一返到屋企, 媽媽趕緊和小悅沖涼, 餵她吃奶, 然後小悅便大覺瞓!

今天, 媽媽嘗試train小悅瞓上午及下午的nap, 小悅好叻B!!! 媽媽放低佢落crib, 唔駛半個鐘, ai咗一陣, 咁佢就自己瞓著喇! 仲瞓足個半鐘呢! 希望小悅快些建立起穩定而健康的作息時間吧!