聖誕

小悅看完燈色後說: "Bye Bye Chri-mas... I love you!" 盼望她早日明白聖誕的真正意義!

睡夢中的小悅

睡夢中的小悅: "唔好...唔好睇呢個...唔好...唔好睇呢個..."
發夢都同家姐爭電視睇! 死未???!!!

你就好啦!

媽媽: 小呈....你就好喇...返學淨係玩, 放學又冇功課, 又唔駛考試, 又可以睇電視, 又可以有得瞓....
小呈: 媽咪呀, 係 fair 0架, you once have those days, but those days are over 喇!
媽媽: ....
小呈: 咁如果你宜家仲係kid的話, 你就唔會有我同小悅囉... 咁你有我同小悅係唔係better than你仲係kid呀?
媽媽: .... (唯有接受現實....)

睇牙醫

小悅陪家姐去看牙醫...
小悅: 家姐睇牙醫...
媽媽: 係呀, 家姐睇牙醫.
幾分鐘後...
小悅: 家姐睇牙醫.
媽媽: 係呀, 家姐睇牙醫.
幾分鐘後...
小悅: 家姐睇牙醫...
媽媽: 係呀, 家姐睇牙醫.
小悅: 妹妹睇牙醫...
媽媽 (指著幫家姐洗緊牙的牙醫): 嗱, 睇喇!

睇牙醫

小悅陪家姐去看牙醫...
小悅: 家姐睇牙醫...
媽媽: 係呀, 家姐睇牙醫.
幾分鐘後...
小悅: 家姐睇牙醫.
媽媽: 係呀, 家姐睇牙醫.
幾分鐘後...
小悅: 家姐睇牙醫...
媽媽: 係呀, 家姐睇牙醫.
小悅: 妹妹睇牙醫...
媽媽 (指著幫家姐洗緊牙的牙醫): 嗱, 睇喇!

坐陣先!

和小悦沖涼, 沖完之後唔肯起身...
媽媽: 好起身喇, 唔係就凍病喇!
小悅: 玩緊....
媽媽: 唔好玩喇, 凍呀...
小悅: 媽咪媽咪媽咪...
媽媽: 來喇, 起身喇...
小悅 (指著張小圓櫈):...坐陣先喇!

聖誕老人

點解小悅係咁叫棵聖誕樹做聖誕老人????

多國語言

今晚小呈同我講咗一"jar" French... 真係唔知佢講乜! 好迷茫...
我話: "你又要學French, 又要學廣東話, 又要學國語, 再加埋英文, 咁你咪識講好多話囉?" 點知佢話: "我仲識少少 Spanish!" 我問:"吓? 唔係嘩? 邊個教你?" 佢話: "Dora 囉!" 然後再講咗D唔知乜嘢... 嚇死!

小悅學會了...講好多0野!

眨吓眼, 小悅已 20 個月大! 她大概在一兩個月前開始越來越多0野講!

吃飯時,

媽媽: 小悅祈禱喇!

小悅: 謝謝...天父..., 賜我...奶奶..., 奉主...耶穌...名求..., 阿...門!

瞓覺時,

小悅: "抖....!"

媽媽問: "媽媽陪, 好唔好?"

小悅: (拍拍她的枕頭) "隔離... 有位..."

早上起床時,

小悅叫醒媽媽的方法: "起身!!!!! 醒!!!!!! 起身!!!!! 妹妹醒!!!!! 媽媽!!!!"

小悅叫醒家姐的方法: "家家!!!! 起身!!!!! 番學!!!!!!"

出門口前穿鞋時,

小悅: "媽媽整, 媽媽整 (不要爸爸幫她穿鞋子)... 波鞋.... 花花鞋.... 襯..."

唱歌時,

媽媽: "If you happy and you know it say hurray!"

小悅: "Hurray!"

吃小點時,

小悅遞隻杯給媽媽: "Hold住..."

看見家姐吃任何東西時,

小悅: "少少...妹妹... 少少..." (俾少少妹妹)

在婆婆家等返屋企時,

小悅: "走未?"

小呈: "小悅今日好cute..."

媽媽: "小悅日日都cute0架啦!"

小悅: "日日cute!"

在梳化上自言自語...

小悅: "聽話...聽話.... 唔好搞..."

媽媽: "1..."

小悅: "...2...3...4...5...6...7...8...9...10..."

公公: "... 21...你唔識喇卦?"

小悅: "中文!!!!" (叫公公講中文! 公公係講緊中文喎....????)

.... 數之不盡的驚喜!

Genius???

爹爹難得地抽了半點鐘的時間陪小呈整朱古力, 小呈大樂!
小呈: Daddy, you're a genius!
爹爹笑著, 媽媽望一望爹爹, 心想: "駛唔駛咁誇?"
過了一會...
小呈: Daddy, if you want to be a genius, you need to act like one and think like one!
大概小呈發現自己之前確實誇了一點!

第一次!

小悅昨天第一次到游泳池! 小呈小悅high爆, 媽媽就累爆~~!@_@

sor...ly

昨晚小悅把小呈心愛的頭飾弄斷了, 小呈立即爆喊, 但兇徒卻笑騎騎地 "sor...ly... 嗚嗚... hahaha..."

Cool~

陪小呈看卡通, 卡通中的小朋友讚自己個媽咪好cool. 我問小呈: "你個媽咪唔cool哦呵?" 小呈答: "係呀....唔...不過你beautiful啦!" ~哈哈!

小呈加油！

今天, 小呈含著一泡眼淚, 堅決地說: "媽咪! 我明年真係不再跳Ballet了, 我淨係要跳好Gymnastics!"--- 並不是因為ballet class 出了什麼困難, 而是在Gymastics拿不到大獎杯. 第一次, 我看見了她的鬥志! I'm proud of her!

起錨

朝早聽到老公在嗌 "起錨...!起錨...!", 原來在催小呈出門口! (仲聽到小呈問: "乜0野係起錨呀?"

可愛牌

我問小悅: "點解你咁可愛0架? 你究竟有冇囉牌0架?"
小悅答: "冇!"
老公答: "冇??? 差人拉0架喎!!!!"

上飛機

飛機上的小悅...超乖! 媽媽問:"瞓覺好唔好?" 小悅答: "好!" 媽媽問:"同SaSa一齊瞓好唔好?" 小悅答: "好!... 噯噯..." 媽媽橫抱小悅, 她郁都冇郁, 唔駛5分鐘, 瞓咗!

小悅學會了... "母親節快樂"!

小悅窩心B又一可愛巨獻:

http://www.youtube.com/watch?v=YJD90Oss31Q

我的母親節很快樂!

小悅跌跌!

小悅繼星期日跌瘀了個下巴之後, 今天又再差錯腳趺咗落床, 不止撞正我個床頭櫃, 仲反彈撞埋佢個crib, 然後反彈再反彈撞埋我將床才落地...幸好今次未有損傷, 只不個嚎啕大哭了一埸... 唉... 嚇死!

Lizzie's Prayer

I asked Lizzie to pray for Mommy as Mommy is going to have exam soon. She prayed: "謝謝天父...我想pray for Mommy係因為佢就快exam, I pray that um...she can get some right... and it doesn't matter if she only gets one right...um... it's because you are her maker and you love her and she's special to you..." Isn't it sweet? (But honestly, I really don't want to JUST get ONE right in the exam...係就甘了...) ~~滴汗

簡而精?

小呈的老師在她的成績表上表示小呈可以嘗試在寫作時寫多一點. 媽媽在看她帶回家來的功課時, 終於都明白老師的意思....

"If you have one hundred dollars, you would....."

本來有成版紙給她發揮, 但小呈只寫了兩隻字-- "keep it."

講完!

死未????

正面

小悅都幾正面...

想同佢去穿耳仔,

問她: "好唔好?", 她答:"好."

問她: "係唔係?", 她答: "係."

問她: "靚唔靚?", 她答: "靚."

問她: "去唔去?", 她答: "去."

問她: "O 唔OK?", 她答: "K."

問她: "怕唔怕?", 她答: "怕."

問她: "制唔制?", 她答: "制."

睇吓點....?

小悅學會了... 影相時要笑!

http://www.youtube.com/watch?v=1DoxqjnBTFY

她還喜歡著住件底衫周圍走!

啜...!

這兩天, 小悅學會了啜...

1. 啜飲管

2. 啜....一聲錫你一啖!

So Sweet!

小悅真的會走路了!

今天, 正式地隆重宣佈: 小悅學會走路了!

好叻女啊!

=) =) =)

http://www.youtube.com/watch?v=OLCdZZ-Wi0w

小悅滿一歲了!

很久沒有記錄小悅的成長了, 皆因媽媽實在是太過忙碌. 不過, 趁有少少時間, 寫點點緊要的...

1. 小悅滿一歲了! 吃了第一件屬於自己的生日蛋糕! http://www.youtube.com/watch?v=aFRsFwYjbjU
2. 小悅最喜歡的是"Selina", 所以媽媽買了兩隻給她, 可作替換.
3. 小悅現在識得叫:"媽媽", "媽媽, 抱...", "家家"(家姐), "婆婆", "婆婆, 抱...", "抱抱", "da", "包包", "要", "奶奶"...
4. 小悅晚上7:30/8:00/8:30 瞓, 可一覺瞓到早上6:30/7:00/7:30, 不錯不錯!
5. 小悅愛看書. 她知道那本是"Rainbow"書, 那本是火車書, 那本有"汪汪狗". 不過每次都會弄到成地都係書.
6. 小悅開始學行, 扶著學行車好似個婆仔咁. 好開心!
7. 小悅今天去了打一歲的針, 喊到拆天! 打了4支, 每邊手臂兩支! 陰公!
8. 小悅現時大約20磅多點, 體重由90th 跌落50th. 不過護士話不緊要.
9. 小悅這兩天開始放開手行, 最多可以行4步呢! 好叻哦!
10. 小悅現在有7隻牙仔 (上面有4隻, 下面有3隻).
11. 小悅常常四處手指指, 好清楚咁指東拍西, 要呢樣要果樣.
12. 小悅常常嚷著要吃大人吃的, 拒絕吃BB飯. 現在大人吃什麼, 她便吃什麼.


謝謝天父, 小悅真的很可愛, 令人滿心喜悅!