小悅的快人快語

媽媽：小悅，點解你上芭蕾舞課時跳得咁投入，人地小朋友淨係FING 手，你就連個頭都FING埋嘅？
小悅：唔係呀，有條頭髮撩緊我塊面嘛。。。

﹣﹣﹣

媽媽：小悅，點解你咁 “哦GOR”嘅？
小悅：係呀，我唔鍾意嘅我會話俾你知㗎！

﹣﹣﹣
和小悅玩 Game of Life...

行到要揀FAMILY PATH 定 RETURN TO COLLEGE。。。
媽媽：小悅，你生BB啦!
小悅：等我讀書先啦!

行到另一個STOP SIGN。。。
媽媽：喂，你揀FAMILY PATH 定 PATH OF LIFE 呀？你要生BB就好揀FAMILY PATH囉喎。。。
小悅：等陣先啦!

行到差不多到退休時。。。
小悅：我要生BB呀! 我未生BB呀!
媽媽：冇喇! 冇得生喇! 你過咗就冇得生喇!
小悅：（爆喊）哇。。。哇。。。我要生BB呀!！！！
媽媽： 女呀，都叫你早D生㗎啦! 你過咗就冇得生㗎喇!！！冇得返轉頭㗎！
小悅：哇。。。哇。。。我要生BB呀!！！！
媽媽（汗顏）。。。（得果三歲半人仔就要教她 “有仔趁嫩生”!）

I am no chapter

During a conversation between Mom & Lizzie about not judging people from the surface...

Mom: Well, everyone is like a storybook. We cannot judge people just from the cover. 

Lizzie: Yeah Mom... Hey Mom, if you are a storybook, you're 30 something chapters and Noelle is only 3 chapters...

突然妹妹插入～～

Noelle: Elizabeth!!!! I am no chapter! I am Noelle!!!

Mom: 妹妹。。。你都唔知家姐講乜。。。

Noelle: Mom!!! No talking! Elizabeth!!! I am no chapter! I am Noelle!!!

Mom: (-_-") 

Noelle: Mom!!! Mom!!! Mom!!!.... 家姐講乜呀？

Mοm:( -___-")

兩姊妹

九歲與三歲半的兩姊妹在車上聊做姊妹的好。。。

家姐：我地將來大個果陣可以一齊去行街啦，我可以買D嘢送俾你啦。。。

妹妹(好大聲咁話）：你～有～錢～咩？？？

家姐（好大聲咁答）：我～話～我～大～個～果～陣～呀!

TWA

小悅學我們做TWA...

“媽咪，你俾支筆筆(highlighter)我喇， 我要劃我本聖經呀!“
。。。。。

“十字架。。。耶穌。。。冇死亡”
“婆婆唔0係度，唔駛驚，媽咪0係度。。。”
“媽咪唔0係度，唔駛驚，婆婆0係度，媽咪好快番。。。”
“我隻狗仔病咗，天父你醫番好。。。”

小悅聞歌起舞

小悅在shopping 時忽然聞歌起舞。。。

媽媽：我影你得唔得呀？
小悅：好呀!

http://www.youtube.com/watch?v=tbZVtLVds6E&feature=youtu.be

媽媽頭暈了～～！

小悅說故事

http://www.youtube.com/watch?v=zNj3ktHUy-M

快9歲的小呈和3歲半的小悅

拗拗聲

媽媽和小悅去配藥， 配完之後媽媽拗拗聲，因為D藥好貴喲。。。

媽媽：“拗。。。拗。。。拗。。。” 小悅，媽媽拗拗聲呀。
小悅：唔係呀，係 “Moo...Moo...Moo..."咁樣㗎！
媽媽：（失笑）果D係「牛牛聲」! 媽咪果D叫「拗拗聲」呀!

二十八

呀妹妹。。。你停留在二十八磅已經成年幾有多，你D肉究竟去晒邊？？？

妹妹的邏輯

兩姊妹在爭書睇～～

妹妹：家姐，我要睇。。。
家姐：你細個唔識睇呀。。。
妹妹：家姐，我第時大過你果陣你俾我睇啦。
家姐：（反白眼地）你永遠都唔會大過我㗎！
＿＿＿＿＿＿＿＿＿＿＿＿＿＿＿＿＿＿＿＿＿＿

兩姊妹在爭洋娃娃 “Emily" ～～

妹妹：係我㗎。。。Emily係我㗎！
家姐：唔係呀，係我㗎！係我細個果陣㗎！
妹妹：你細個果陣我都冇見到!！！
家姐：係呀! 因為我細個果陣你都未出世!！！
妹妹：你細個果陣D相。。。我都冇見到你同Emily。。。
家姐：（唔出聲。。。諗一諗）

家姐找來相簿一本，番開其中一頁。。。

家姐：嗱！你睇！係我同Emily一齊瞓覺呀!
妹妹：（指住另一張相，笑笑）咦？家姐。。。你係度做咩呀？（笑騎騎。。。）

一小時後，媽媽告訴公公婆婆她們兩姊妹的對話～～
妹妹：係呀，Emily 係我㗎！張相囉。。。我細個同Emily一齊瞓囉!

小圈子

小悅：媽咪，我要睇小圈子呀。。。
媽媽： 吓？ 你要睇咩話？
小悅：我要睇小圈子呀。。。
媽媽：小圈子？要返香港先有得睇喎。。。你想睇小丸子係唔係呀？

包剪揼

和小悅猜包剪揼。。。

媽媽：“程尋磨較叉燒。。。包！小悅，要即刻出㗎！唔可以等㗎！”
媽媽：“程尋磨較叉燒。。。 小悅，要即講你出咩㗎！”
媽媽：“程尋磨較叉燒。。。小悅！要即刻出㗎！”
媽媽：“程尋磨較叉燒。。。小悅！！要‘程尋磨較叉燒包’咁樣㗎！”
媽媽：“程尋磨較叉燒。。。小悅！！！”

小悅：“媽咪呀! 我要吞口水㗎！”

有對翼就好了!

和小悅看卡通，看見小仙子有對翼可以飛，媽媽有感而發：“如果我都有對翼就好了！”
小悅： 如果。。。如果有對翼。。。咁唔可以搭巴士囉！
媽媽：吓，點解？
小悅：。。。如果有對翼，咁會“kic"住個巴士囉!

小悅3歲了!