兩條馬騮

兩歲十個月的小悅的廣東話越來越地道。。。

她指著自己BB時拍的照片說：
”我。。。我我我細個果陣戇居居呀！”

她跟婆婆講電話時說：
“我陪家姐去睇牙時候跌咗個提子包呀。。。叫媽咪。。。打。。打電話去大統華。。。有冇提子包啦!”

去接家姐放學時，她問：
“今日點解唔駛車果兩隻‘蛇quer'0野（即兩個表姐）嘅？”

玩玩吓，突然問：
“我。。。我我我。。。係唔係‘珂過’呀？”

跟她說約拿的故事時， 她問：
“我果陣時喺你個肚入面踢踢吓果陣。。。係咪你一啖吞咗我落肚呀？”

晚飯時，她問媽媽有關當晚沖涼的安排：
“今晚兩條馬騮駛唔駛洗頭呀？”

肚腩

小悅與家姐沖泡泡浴，沖完後和媽媽說。。。

小悅： 我頭先問家姐我個肚腩係唔係好肥，佢話係，然後哈哈哈咁笑我呀！

媽媽真係想唔笑都唔得!

危險

爹爹：小悅呀，你唔好咁靚呀，唔係就好危險㗎喇。
小悅：危．．．危危險呀？駛唔駛膠布㗎？

去天堂

主日學老師：我們怎樣可以去天堂呀？
小悅：我都未去過。。。關咗門啦。。。

主日學老師在下課後如實告訴小悅媽媽。

黃昏時，媽媽揸車，小悅坐在後面。。。
媽媽：小悅呀，怎樣可以去天堂呀？
小悅：關了門呀。。。
媽媽：唔會關門㗎，天父24小時都開門㗎。
小悅：。。。我唔想去呀。。。
媽媽：點解呀？
小悅：我想同媽咪一齊呀。。。
媽媽：第時媽咪都去㗎，爹爹同家姐都去㗎。
小悅：係咩？
媽媽：係呀!
小悅：咁而家去啦!！！！
媽媽（還在揸車）：吓？而家唔去住。。。

下次揸車時都係唔好討論去天堂的問題，唔係一唔小心，真係而家即刻去!

食lunch論

媽媽： 小呈，你想第時學甚麼樂器？Clarinet 好不好？fluet 呢？
小呈：。。。我不想學吹的。。。
媽媽：咁。。。彈琴？
小呈：。。。我。。。唔想。。。
媽媽：點解呀？
小呈：。。。因為好難囉。。。
媽媽：小呈呀，所有0野都係難㗎啦，冇0野是容易的。。。
小呈：有呀!
媽媽：？
小呈：食lunch囉!
媽媽：咁唔通你一世淨係顧住食lunch咩？？？？

晚上將這對話告訴老公，誰知他的第一個反應竟然係：
“吓？佢唔食dinner呀？？？”
﹣＿﹣II

上網

婆婆說今天小悅在她家時， 無端端問公公。。。

小悅： 公公，我可唔可以係度上網呀？

媽媽聽罷， 就問小悅： 吓？你上網做咩呀？
小悅：我要同Ava姨姨傾計呀。。。

她真的是兩歲半的人仔麼？？？

偷雞

小呈在Grade 1時，老師告訴我們要鼓勵她寫多一點， 初時有些不太明白， 後來在年尾時，看見她在校寫的功課， 才恍然大悟。。。
"If I have one hundred dollars, I would...." 然後有一大頁紙任她發輝，誰知她只寫了兩個字： keep it.

今年Grade 3了，情況以寸進形式地改善，一貫的偷雞作風如下。。。
"Pick a word from the vocabulary list to make a sentence with a minimun of 8 words."
她寫："A cheetah runs very, very, very, very fast."

死未？！！

下次唔好

星期天上教會去， 下車時剛巧開始下雨。。。

媽媽：快D跑啦， 快D跑啦。。。
小悅：點解快D跑呀？
媽媽：係呀， 個天落雨喇。。。
小悅：點解個天落雨呀？ 下次唔好喇。。。

大佬

爹爹不自覺地在把玩小悅的SaSa（小悅心愛的blanket buddy)，
玩下玩下把它當毛巾蓋在頭上。
小悅看見了爹爹的行為， 即時大叫： “大佬呀! 你個頭冇洗呀!”

兩歲幾的人仔， 竟然識叫人“大佬”！ 救命!

結婚 （1）

和小悅去完婚禮，唔多唔少結婚又成為了小悅的話題， 不過就奇怪點。。。

在吃晚飯時， 失驚無神，小悅說： 我唔結婚喇。。。
媽媽：吓？點解呀？
小悅： 係呀，因為我隻腳好番喇 （之前她跌親。。。）
媽媽： 咁好番咪可以行婚禮0羅。。。
小悅：不過D毛毛未好番呀。。。

阿女， 你好似未有腳毛喎。。。

So funny

小悅的中文真的進步了很多。。。

早上酲來， 小悅看見坐在她床邊的爹爹， 劈頭一句：“爹D點解你個頭咁樣0既？”
是的， 爹爹的髮型成包狀， 是時候要搞搞佢！

晚上和家姐看卡通， 小悅說： “好驚呀呢個。。。”
媽媽： “咁你咪唔好睇囉。。。”
小悅： “唔係呀， 呢個好fuuny 呀。。。“
媽媽： ”咩叫好funny呀？“
小悅： ”好好笑囉。。。哈哈哈!“

玩煮飯仔時， 小悅送來一碟嘢。。。
媽媽： ”這是什麼？“
小悅： ”係save-on-food買0架， 係菠蘿同豆， 好熱0架。。。“
媽媽： ”冇叉喎。。。“
小悅： ”你。。你。。。你要多謝媽咪啦。。。“
媽媽： ”多謝媽咪“
小悅： ”多謝媽咪“
小悅又再送來一杯嘢。。。
小悅： ”係阿華田呀， 好熱呀，一陣先飲啦。。。“
媽媽： “哦。。。”
小悅： ”我要八仙果呀!“
媽媽： ”No la..."
小悅： “我都未刷牙!”

兩歲幾人仔，又會咁多嘢講！

好老公

和小悅去醫院探望剛剛生了BB的姨姨， 媽媽與姨姨在談到生產的話題時。。。
小悅：我又生！
媽媽：吓？你又生？ 你第時大個搵番個好老公先啦！
小悅：係Daddy呀！
媽媽：係好似Daddy咁嘅好老公呀!

晚飯時， 媽媽如實告訴在坐的公公婆婆和爹爹。。。
公公：小悅，那你要祈禱求天父第時賜你有好老公喇！
小悅 （立即二話不說， 合埋手， 瞇著眼睛）： 謝謝天父， 賜我好老公。。。

晚上瞓覺時。。。
媽媽： 小悅， 你今天有什麼事情要謝謝天父呀？
小悅：謝謝天父， 有好老公。。。

硬Fat

小呈坐在地上攬著媽媽的腳，指著媽媽的小腿，篤 篤 篤。。。

小呈： 這是你的硬fat嗎？？？

媽媽： Excuse Me???? 這叫做 Muscle!!!

循環

每次晚上媽媽不在家， 小悅臨瞓前一定大哭一場。

早上， 媽媽問小悅：“你為什麼要喊？”
小悅：係呀。。。我喊呀。。。
媽媽： 點解呀？ 因為。。。？
小悅：因為。。。因為。。。因為我傷心呀。。。
媽媽：點解你傷心呀？ 因為。。。？
小悅： 因為。。。因為。。。因為我喊呀。。。

主禱文

小悅在切strawberry時, 失驚無神話: "好似主禱文呀..."
媽媽: "吓????"
小悅: "主禱文...救我們...切離兇惡...

腳腳

早上起來, 從個Baby monitor聽見小悅醒了, 不過沒有叫媽媽, 反而在自言自語, 唔知佢講乜. 於是, 媽媽開門走入小悅房...

媽媽: 小悅, 你起身嗱? 你同邊個講緊0野呀?
小悅: 我...我...我同隻腳講緊0野呀...
媽媽: 你做乜同隻腳講0野呀?
小悅: 係呀, 因為...因為...因為佢唔開心呀!
媽媽: 吓? 佢做乜唔開心呀?
小悅: 因為...因為...佢撞親呀...

又便便

小悅又在便便...

小悅: 出0黎喇...
媽媽: 今次又有咩呀?
小悅: 有....有毛巾呀!
媽媽: 毛巾? 你又幾時食咗條毛巾落肚呀?
小悅: 今日呀!
媽媽: 毛巾點食呀!?
小悅: 咁樣呀...Aww Aww Aww Aww Aww...
媽媽: 咁仲有冇呀?
小悅: 有呀....
媽媽: 咁仲有D乜呀?
小悅(拍住塊厠所板): 呢個板呀!
媽媽: 吓? 連厠所板都食?
小悅: 係呀! 咬咬咬咬咬咁樣呀!

小朋友全程都是一副搞鬼樣, 認真搞鬼!

禱告

小悅今晚的禱告如下:

"謝謝天父... 俾小悅有頭頭, 俾媽咪有頭頭, 俾爹爹有頭頭, 俾家姐有頭頭... 俾小悅有手手, 可以玩playdoh...奉主耶穌名求...阿們!"

即是話, 如果媽媽問小悅: "小悅你謝謝天父D乜0野呀?"
小悅就會答: "謝謝你個頭."

便便

以下對話, 有點不雅, 敬請原諒...

小悅在便便, 坐了很久, 仍未有所出.
媽媽: 有未呀? 出來未呀?
小悅: .... 出緊喇!
噗通一聲
小悅(興奮地): 乜0黎0架? 冬茹呀?!
媽媽(忍笑): 係呀係呀.... 仲有冇呀?
小悅: ... 有呀. 跟住係乜呀? 雲耳呀?
媽媽: 好呀好呀...
....
媽媽: 有雲耳未呀?
小悅: 冇呀... 有匙羹呀...
媽媽(強忍住笑): 吓? 匙羹? 你幾時吞咗隻匙羹落肚呀?
小悅(十分正經地): 係呀, 今朝呀...

結果, 當然便便中沒有匙羹啦! 只是小朋友再一次施展九唔搭八的技倆!

你唔好咁啦!

媽媽在練習用希臘文背主禱文...

媽媽:πατερ ημων ο εν τοισ...
小悅(好驚地): 媽咪...你做咩呀????
媽媽: ...αγθασθητω το ονομα...
小悅(哄個頭埋來, 用雙手夾著媽媽的面): 媽咪你唔好咁啦! 你唔好咁啦!!!!

壞腦

小悅在不停地跳上跳落...

爹爹: 唔好跳喇, 會跳壞腦0架!
小悅(大叫): 唔會壞0架!
媽媽: 哈哈哈....
爹爹:...佢識咁答應該真係冇壞到!

MaMa Burger

小悅每天去婆婆家"上學去"...

一天媽媽放學回來, 到婆婆家接小悅時, 小悅手中拿著張A&W的flyer...
小悅(指住個 burger): 呢個...係Mama burger...
媽媽 (指住個另一個 burger): 咁呢個又係咩0黎0架? Mama burger?
小悅: 係 Uncle burger 0黎0架!
媽媽: 嘩! 你點識0架???? 邊個教你0架?
婆婆 (從廚房大嗌, 很自豪地): 我教0架!!!!!

My Brave Girl

Lizzie bravely underwent an oral surgery.... so scary and so bloodly....while witnessing the whole thing, all I want to say to her is: "I'll love you with my biggest love..."

爹爹的爛Gag

今早趕出門口,
媽媽從樓上幫小悅攞完0野正在落樓梯時, 爹爹和小呈趕著說: "上車喇, 走喇走喇..." 小悅立即大叫:"唔走得住! 等埋媽咪先!!!" 嚇得我們三個 O 晒嘴!

隨後爹爹指著小悅, 對媽媽說: "她說話帶有權柄, 不像其他的小朋友, 眾人都很驚訝." (爹爹又一最新爛Gag傑作!)

分身家

小悅: Daddy我要錢呀...!
媽媽: Daddy, 第時分身家就係咁0架喇...

傻咗

小悅今天玩到傻了...

睡覺時, 已比平日晚了差不多兩個鐘.
在黑漆的房中, 媽媽聽見小悅在細細聲唔知講咩...

媽媽: 小悅, 同媽媽講早抖未?
小悅: kjshfusidfjiew....
媽媽: 小悅, 同媽媽講早抖未?
小悅: jodijfosjfosjfoijo....
媽媽: 小悅...
小悅: 我講緊0野呀...
媽媽: 你同邊個講緊0野?
小悅: 娜娜呀... (佢隻bear...)

入夢大法

小悅在睡夢中大哭: 嘩~~媽咪抱呀~~~ (仍在夢中沒有醒)

媽媽使出"入夢大法"...
媽媽: 媽媽抱住喇...去街街喇...去Toys, 好唔好?
小悅(仍緊閉雙眼): 嗚~~唔好呀~~
媽媽: 咁去McDonald喇...
小悅(仍緊閉雙眼): 嗚~~唔好呀~~
媽媽: 咁去Library喇, 去借Dora書好唔好?
小悅(仍緊閉雙眼): 嗚~~唔好呀~~
媽媽: 咁不如去Karpos喇? (Karpos 即教會的兒童主日學)
小悅(仍緊閉雙眼): 好.... zzzz....

搞掂!!!!

嚇死！

當我和小呈在聚精會神地看電視時, 冷不防小悅拿著個土製大聲公對著我的耳仔大嗌: "周敏曦!!!!" 嚇死我!

唔得閒

當小悅正在吃她的生日晚餐時...
公公: 悅悅, 你幾多歲呀?
小悅: ...
公公: 悅悅... 悅悅...
小悅: ...
公公: 悅悅, 唱隻歌仔0黎聽吓啦!
小悅: ...
公公: 喂, 悅悅...
小悅: 食緊0野.... 唔得閒....

FB

抱著小悅FB, 點知佢係咁嗌: "睇Wilbur, 我要睇Wilbur..." (Wilbur 是我教會的牧者)呀小悅呀小悅, 我何來Wilbur俾你睇?