山洪暴發

小悅今天第一次正正式式嘔奶! 就如山洪暴發一樣, hur一聲咁差不多嘔晒d奶出來... 嘩... 犀利囉...

小悅的睡眠

漸入佳境! 小悅今天晚上吃飽奶掃完風後, 媽媽把她Bundle up 後放落床, 不消十分鐘便自己入睡了! 乖B!

小呈的新發現

有天小呈突然有所發現...

小呈: 媽咪! 原來"芝士"同"獅子"係the other way round!

媽咪:...係喎... ^_^'

媽咪:小呈! 原來"Lizzie"同"Silly"都係the other way round喎!

小呈: 嘻嘻...哈哈...

傻妹!

唓...

唓... 小悅昨晚又變返4個鐘頭起一次身...

冇計喇, 媽媽會繼續努力的了. =)

小悅好嘢!

小悅昨晚由10:30瞓到今朝7:00!!! 好嘢! 嘩! 第一次瞓過夜呀!

小呈好嘢!

好嘢! 小呈入咗 Christian School 喇!!! Yeah!

綁匪小悅

媽媽有天想試吓再餵小悅多一點人奶, 想著或許吃多點, 媽媽奶水又可以多一點. 所以打從早上10點開始, 小悅一叫便給她餵人奶. 有時餵30分鐘, 有時15分鐘, 有時45分鐘, 有時5 分鐘. 可是吃與吃之間, 其實不夠10分鐘! 就這樣餵餵餵, 由早上10時一直餵到下午4時!!! 中間午飯時, 爹爹出外給媽媽買飯, 回來時將飯盒送進房間, 突然感到有些似買外賣回來餵"肉參"咁款! 唉....若果媽媽是肉參, 那小悅就是綁匪了!

小呈的告白

這個星期初, 小呈忽然變得十分不聽話, 激到不夠瞓的媽媽很火, 早餐時媽媽告訴小呈不可浪費食物, 小呈狠狠的"um" 了一聲, 再給媽媽一個十分之不禮貌的樣子. 晚餐時又扭眼瞓, 不願吃. 說好吃完立即上床睡覺, 誰知晚餐後又話不再眼瞓唔願上床, 分明在玩嘢! 於是媽媽走去跟她"傾偈"...

原本是打算給她訓話的, 可是媽媽回心一想, 便說: "小呈, 你是否因為最近媽媽經常忙碌地照顧小悅, 少了陪你, 所以你心裡不開心, 小小不如你所願就扭計, 自己都唔知道自己點解會唔聽媽媽話?" 小呈原本是咬住牙不哭的, 誰知聽到媽媽這樣說便大哭起來, 說: "媽咪呀, 其實你take care BB a lot and only take care of me a little... 我jealous呀...." 媽媽隨即攬著小呈讓她放聲大哭, 跟她道歉, 也認同她感到好可憐, 最可憐是因她之前剛好生病, 所以媽媽沒有如以往般攪她抱她, 相反卻看見媽媽時常抱著BB, 餵奶, 換片, 洗澡, 又沒有時間和她storytime 和陪她睡... 其實小呈已忍了很久, 久而久之可以忍耐的容量便越來越小, 因此在外面看來是變得不聽話, 但實質是不開心. 小呈大哭過後, 媽媽雖不敢承諾太多, 但最少是心裡有數, 知道要盡量squeeze些時間出來陪小呈. 於是那天晚上, 媽媽給小呈storytime, 第二晚亦抱著小悅陪她睡. 看見她的咳已好得七七八八便攬她多一些, 讓她幫忙照顧BB多一些. 其實在小呈在告白與大哭過後, 小呈已變乖了很多, 自動自覺地提醒自己不可浪費食物, 吃飯時也很乖, 不用媽媽勞氣也能自己吃完碗飯.

又一次實驗証明, 小朋友不一定因為是頑皮才不聽話, 不當的行為背後其實往往是一顆不開心的心. 媽媽以後真的要多留神啊!

So Sweet...!

這是媽媽在小呈的書包內找到的...

So Sweet....!

深夜4:30

深夜4:30, 餵完奶, 正要幫小悅換尿片時...

望望旁邊的爹爹...

發現原來他們真的很似!

(可憐的Melody...)

又病過?

小呈去了看第四次醫生, 幸好小呈的熱終於都退了, 而醫生一而再聽清小呈的肺部, 都是十分清晰, 所以應該不會是肺炎. 真的要謝謝天父! 媽媽真的很擔心啊! 又擔心小悅會得到傳染, 又不敢太接近小呈, 但又知道她很想媽媽陪她. 媽媽不斷地為小呈祈禱, 求天父醫好小呈, 因小呈明明星期一已經好轉, 誰知星期二又再病過, 醫生仲話係第二隻菌! 唉.... 不過, 真的要謝謝天父, 小呈今天好好多了! 醫生還說明天應該可以返學了! yeah!

新紀錄

小悅的新紀錄-- 9lb 7oz! 經過媽媽一星期的催告, 小悅平均每天增磅差不多有1.5oz! 謝謝天父! 個lactation consultant 話媽媽可以繼續努力, 泵多點餵多點, 照樣係每餐之後餵兩安士formula. 雖然沒有人知道最終可不可以全B餐, 不過有總好過冇, 因為breastmilk 是世上最最最最最有益的, 就算是媽媽有點不舒服, 也可以將antibodies傳給小悅. 好啦! 媽媽加油啦! 小悅可能都係喜歡吃全餐, 好似去港式餐廳吃早餐一樣, 唔係要A餐, 唔係要B餐, 而係要A+B餐(i.e. 腸仔煎蛋+炸菜肉絲米), 就只係爭在未駛跟埋杯凍奶茶啫!

我和Melody有個約會

因Melody是媽媽的挈愛 (當然是除了爹爹, 小呈和小悅之外!)

小呈好番好多了!

好喇好喇! 終於都退熱了! 小呈很乖地休息, 休息, 再休息...

小悅滿月了!

小悅今天滿月了! 公公和婆婆一早便來給了小悅兩封利士.

婆婆: 好囉好囉! 小悅大個女囉!


媽媽: 吓? 小悅得一個月大咋喎...咁就大個女嗱???

小悅狂喊之迷(續)

小悅前晚像發了顛般狂喊了好幾個鐘, 吃人奶又唔係, 吃formula又唔係, 抓癢又唔係, 谷氣又唔係, 眼仔碌碌但又大打喊路, 媽媽做乜都不能讓她安定下來, 結果搞到差不多兩點幾才睡! 幸好昨晚很好, 今天晚上也很好, 吃飽奶便睡了. 媽媽心裡推算, 九成九係前日杯港式凍奶茶累事!

媽媽: 我諗梗係杯港式奶茶, 因我這兩天一滴茶也沒有飲...
爹爹: 咁要唔要做個實驗再試吓?
媽媽: NO!!!!!!!!!

小呈生病了!

小呈生病了! 昨天開始有點咳, 誰知半夜便開始燒, 燒到最高時是39.7度! 好可憐啊! 最可憐是因為要保護小悅B的原故, 媽媽不可以太接近小呈, 不可以好似以前小呈病時攬她抱她, 更不可以錫她! 不過小呈好乖, 好明白不可以傳D germs 俾媽媽及妹妹, 所以好乖咁常常去洗手. 雖然是很想嗲媽媽, 心裡不開心, 但卻沒有扭計. 小呈, 加油啊! 你很快會好番喇! 天父一定好快就叫你好番喇!

細契頭

媽媽幫小悅沖完涼洗完頭後, 發現小悅的頭髮長長了, 細看之下感到有些熟口熟面...
原來似關菊英個頭! 如果再加埋對大耳環就成個"細契" look 啦!

奶皇糯米糍

爹爹曾說小悅很似一粒糯米糍, 好想一啖吞咗佢.
最近, 小悅吃很多奶, 真的很多...

爹爹: 嘩...! 小悅已經由一粒糯米糍變咗奶皇包囉...
媽媽: 唔係, 佢係一粒奶皇糯米糍!
爹爹: 嘩! 我仲想食呀!

好幫手

小呈是個好幫手. 有幾幫手? 見人見至. 不過, 至少她是這樣看自己. 有次在媽媽忙著pump奶時, 小呈跟媽媽道: "Daddy is busy right now. So if you need anything, call me!" 今時今日有如此的服務態度, 真好! =)

My favourite princess

媽媽給小呈買了一盒 Disney Princess 的valentines cards, 讓她可以寫給學校的小朋友. 她十分開心的寫寫寫, 然後當媽媽在專心寫緊blog時, 她走來跟媽媽講了一大輪東西, 當她發現媽媽好像不太留心時, 她便說: "If you don't listen to me, then I will not write you a valentines card 喇!" 媽媽立時打蛇隨棍上, 扮吃醋道: "你淨係寫俾D小朋友唔寫俾我, 咁我會以為你唔loving me 喇!" 小呈隨即走過來攬住媽媽道: " No... but I still love you!" 然後再鍚了媽媽一啖:"好喇, 我寫一張俾你啦!" 媽媽問:"咁你知唔知道我最鐘意邊個princess呀?" 小呈說: "I know! Me!"

Too tired!

Too tired? 不是媽媽 (雖然媽媽都很tired), 而是小呈. 點解? 媽媽問小呈今天還有沒有做 garbage duty, 誰知她說: "No. I'm too tired!" 媽媽問: "咦, 乜你唔係好proud of yourself 咩?" 小呈道: "yes... but I'm just too tired!" 媽媽問: "咁你以後仲會唔會做 garbage duty 呢?" 小呈: "Um... maybe." 看來小孩子都是三分鐘熱度. 就好似剛剛搬來現在所住的屋, 因後園滿了落葉, 所以不得不掃它一掃. 第一次屋企要掃樹葉, 小呈顯得十分興奮, 常常爭著要掃, 媽媽還因此特登給她買了一個小童用的rake. 誰知不到幾天, 小呈掃掃吓時, 突然之間好似有所醒悟: "Hey, I think this is for adult only!" 然後就劈炮走人! 你話佢幾精?!

小悅要飽飽

星期一去看過醫生後, 正如醫生所說, 媽媽自始給小悅多餵了formula. 經過一輪催告後, 今天媽媽帶了小悅去breastfeeding clinic, 那個lactation consultant 給小悅再磅了一磅--- 感謝天父, 小悅終於重番4安士了! 真好! 雖然跟她應有的體重尚有一段距離, 但那consultant說小悅這幾天應該會一樣要吃多點, 那她便可以追回應有的體重. 而媽媽也開始接受可能最終都係要mixed feeding. 起初媽媽是很內疚的, 因為不能滿足小悅的需要, 又要爹爹辛苦消毒奶瓶和賺奶粉錢, 不過, 唔緊要啦, 至少小悅起碼有半餐是吃人奶, 可以得到人奶的好處, 而最緊要係小悅可以飽飽就得喇! 看她吃飽後滿足地入睡的樣子多甜!

拾垃圾

小呈一早跑來媽媽的房間, 吵醒剛剛餵完奶又瞓番的媽媽, 為的就是要告訴她她昨天在小息時做了一件好犀利的事: 幫老師拾垃圾 (Garbage Duty)! 看見她興奮的模樣, 媽媽回應到: "嘩! 咁犀利呀? 媽媽好proud of you 呀!" 其實小朋友可以proud of 的東西不需要真的好犀利, 只需要她自己覺得好犀利便可以了. 相信自信心就是這樣一點一滴地累積起來吧!

小悅的體重(續)

小悅係咁吃...都是沒有重到, 都是原地踏步! 結果帶了她去看醫生, 醫生檢查過後, 都是叫要再餵她多一點, 由給她一安士formual加到兩安士, 由看她不content時才給改為每餐之後都一定給, 要餵她餵到她不吃才停. 所以由昨天晚上開始, 媽媽便這樣的狂餵她. 當然, 媽媽這麼努力地餵人奶也不夠小悅吃是十分氣餒的, 不過, 小悅的健康是最要緊的, 氣餒也沒有用呀! 希望小悅可以增磅吧!

All You Can Eat?!

今天晚上小悅由9:30開始前前後後一直吃到12:00! 人地食all you can eat都頂多吃兩個鐘, 點解小悅可以這樣不停吃不停吃成兩個半鐘?! 媽媽很累啊! 明天一早10:00護士姨姨來給小悅磅重, 小悅你千萬不要冇増磅啊!